Місто Пряшів уж довгочасово евідує выбудовати в місті новый шпиталь. Подля його інформацій є єднов з можности днешньой влады фінанцовати выбудованя нового заряджіня і  з розрахунку резорту обороны і мать повнити і функцію воєньского шпиталю. Про пресаґентуру TASR то приближыв говорця міста Міхал Гудак. Місто мать к замірю нового шпиталю проєктову документацію, котру на основі ліценції здобыло од резорту зравотницьтва. У звязку з Пряшовом ся споминать проєкт выбудованя нового шпиталю – Smart Green Hospital Prešov, котрый выпрацював тамтешній факултный шпиталь. Цільом было выбудовати модерный кінцевый шпиталь з 942 ліжками. Централізувати до нього хоче акутну старостливость з днешніх павілонів. Міністерство здравотницьтва хоче о авізованій інвестиції інформувати аж по їднанях з партнерами. (TASR, Pkf)