З розрахунком веце як 123 міліонів евр буде в роцї 2024 господарити місто Пряшів.  За приятя передложеного розрахунку голосовало 19 з 21 притомных посланцїв. Опроти тогорічному розрахунку іде о підвышіня веце як 14 міліонів евр. Головный контролор міста Александер Ернст передложеный розрахунок без управ і перероблїня схвалити не рекомендовав. Подля пріматора міста Пряшів Франтїшка Ольгу не суть дакотры положкы розрахунку крыты так, як бы сі місто представляло. ,,Розрахунок є наставленый так, же нам уможнює і наперек запорному становіску головного контролора превадзковати місто а забезпечіти основны службы про жытелїв. Хотїв бы єм їх упокоїти, же і наперек тому, же видиме злу сітуацію в інакшых крайскых містах, де може рїшать, же не будуть косити або не будуть одгартати снїг, або штось інше, в Пряшові тото заты не грозить,“ повів Ольга.

(TASR, Шутіова)