Пряшівській міській поліції прибыло до возового парку електроавто. Є то дальшы й крочай міста як понижыти шкодливы емісії. Як про наше радіо Русин.фм пріматорка міста Пряшів Андрея Турчанова повіла „місто Пряшів ся в рамках договору пріматорів і старостів Словакії завязало прияти опатріня на пониженя емісій склениковых плинів. Дарить ся нам понижувати енерґетічну нарочність у общіх будинків а тото нове електроавто про містьскых поліцайтів є першым крочайом, котрый поведе к дальшому понижуваню шкодливых емісій в області моторізації. Желам собі, же бы сьме такых авт мали вецей“. Як далі Андрея Турчанова повіла, місто здобыло на еколоґічне авто 30.000 дотацію з Уряду влады а зо свого бютжету выділило дальшых 5.000 евр, як сполуфінанцованя даного проєкту. Окрім нового електромобілу містьска поліція уж хоснує наприклад і штирі електричны колобежкы.
(Кімак)