Інвестіцію на выбудованя пряшівского фотбалового штадіона фірмов Futbal Tatran Aréna за скоро 16,6 міліон евр без ДПГ схвалили на вчерашнім засідані посланці міста Пряшів. Єдночасно звекшыли основный маєток фірмы з 6 600 евр на 206 600 евр.  Дану фірму в році 2016 місто засновало вєдно з Пряшівскым самосправным крайом. Сучастьов выставбы є і обстараваня енерґоблоку. Очекована сума на  його забезпечіня є скоро 767.000 евр без ДПГ. Співфінанцованя проєкту схвалили і посланці ПСК сумов веце як 7,2 міліон евр. Словацькый фотбаловый союз підпорив проєкт сумов 2,4 міліон евр. (TASR, Pkf)