Приправити сеніорску політику і звышыти чісло соціално актівных сеніорів в приграничных  реґіонах є цільом проєкту, котрый хоче реалізувати Пряшівскый самосправный край (ПСК). Край буде в проєкті партіціповати з містами Стара Любовня і Спішска Бела. На польскім боку суть партнерами Старый Сонч  і Ліманова в Малопольскім воєводстві, котре є його ведучім партнером. Пресаґентуру TASR о тім інформувала говоркыня края Даша Єленьова. Як дале конкретізувала, же проєкт Самосправа про сеніорів ся конкретні буде дотуляти області здравотницьтва, едукації, културы, турістичного руху але і наприклад беспечности сеніорів. Замір перейшов в авґусті одобріньом крайскым парламентом. Край буде жадати фінанції з Европского фонду реґіоналного розвоя  (EFRR) в рамках Проґраму Інтереґ Польща – Словакія 2021 – 2027. (TASR, Pkf)