Пряшівскый самосправный край поступно отварять і середні школы. Про гіршу епідеміолоґічну сітуацію оставають заперты школы  в штирьох окресах. Презенчна  форма выукы послідніх рочників од понеділька до днешнього дня  зачала на жупных школах в девятьох з тринадцятьох окресів. Доднесь было отворено 38 середніх школ, а до кінця тыждня бы мало отворити 60 процент. Вынятком суть штири окресы – Гуменне, Снина, Меджілабірці і Вранов над Топльов, в котрых на рекомандацію гіґєників остали школы заперты. Пресову аґентуру  TASR о тім інформовала говоркыня края Даша Єленьова. (TASR, Pkf)