Пряшівскый самосправный край (ПСК) скінчів реконштрукцію найфреквентованішой трасы з боку турістів меджі Малов Домашов і Детріком в окресі Вранов над Топльов. Оправов перешла окрім іншого скоро кілометрова траса драгы третього класу, сусідня доріжна інфраштруктура і 41-річный міст довгый 121 метрів. На споминаній етапі выбудовали ся і новы каналы. Цілкова інвестиція представує 2,3 міліона евр і ПСК го фінанцовав через Інтеґрованый реґіоналный операчный проґрам (IROP). Наше інтерентове радіо русин.Фм о тім інформувала говоркыня края Даша Єленьова. (TASR, Pkf)