По третім тыждню історічно першого електронічного списованя людей Пряшівскый край за цілословацькым діаметром заоставать. Дотеперь ся в нім списало 59,7 процент жытелів, републіковый діаметер є 63 процент. Но в краю суть малы села, котры в рамках Словакії досягли першы місця, і уж теперь ся ближать ку 100 процентам, інформовала говоркыня про Списованя oбывателів, домів і квартелів 2021 Ясміна Стаудер. Селом з актуалні цілословацькы найвекшым поділом списаных обывателів є Нижня Писана в окресі Свідник, де ся електронічно списало 98 процент людей. Другым селом є Обручне в окресі Стара Любовня із 93 процентами списаных жытелів. Крайске місто Пряшів мать 64,7 процент списаных. Eлектронічне самосписованя буде скінчене  31-го марца, aсістоване ся буде реалізовати од апріля до кінця октобра. „Списованя обывателів є зо закона повинне,“ припомянула Стаудер з тым, же за несповніня той повинности може село oбывательови дати покуту в сумі од 25 дo 250 eвр. Формуларь на списованя і далшы інформації суть доступны на інтернеті – www.scitanie.sk. (TASR, Pkf)