Пряшівскый самосправный край на наслідкы пандемії із свого розрахунку выділив півдруга міліона евр. Подля минулотыждньовых одгадів Народной банкы Словакії може пандемія запричінити жупі неґатівный допад на розрахунок в сумі 9 aж 38 міліонів евр. Подля слов Дашы Єленьовой, говоркыні Уряду буде край мусити переоцінити планованы інвестіції на рік 2020, зато в сучасности уж веджіня шпеціфікує окремы области, де бы ся дало ушпорити і што вычеркнути. Потвердила,  же не обыйдуть і такы шпоровливы крокы, котры ся дотулять вшыткых областей фінанцованя самосправы, то значіть і мздовой політікы уряду. (SITA А. Кузмякова)