Пряшівска універзіта в Пряшові в кооперації з основныма і середнїма школами з Пряшівского і Кошіцького края зреалізують радіовый контакт з посадков Меджінародной козмічной станіцї (ІСС). Научно-популарізачна подїя День в козмосі ся одбуде концём януара. TASR о тім інформовала говоркыня універзіты Марія Дудова-Башістова. В реалнім часї ся технічны шпеціалісты – радіоаматері- довєдна з дїтми з Пряшівского і Кошіцького края споять прямо з посадков в козмосї. Подарить ся то дякуючі промысленій сістемі і антенї вміщеній на будові ПУ, котра уможнить захопити споїня в часї прелету посадкы в што найблизшій можній вздалености од нашой теріторії. Надвязаня споїня з козмічнов посадков буде частёв цїлой серії преднашок напряменых на тему козмосу. І дякуючі ним ся школярї дознають о радіовій комунікації і о пособлїню козмонавтів на Меджінародній козмічній станіцї .

(TASR, Шутіова)