Пряшівска жупа в рамках свого проґраму дотацій розділить на тот рік 4 міліоны евр. Інформовала о тім Івана Ондріова з Одділіня комунікації і пропаґації Пряшівского самосправного краю. О підпору мож пожадати в трьох проґрамах: Вызва про реґіон, Вызва председы ПСК і Мікропроґрам ПСК. О ґрантовы фінанції можуть жадати села і міста, реґістрованы церькви, реліґійны общества, безпрофітовы орґанізації, обчаньскы здружіня, подникателі і правницькы особы, котрых закладательом є край. Жадости мож предкладати од 15-го януара до 31-го марца 2021-го року. Успішны жадателі будуть мусити свої підпорены проєкты зреалізовати до 31-го октобра того року. Веце інформацій найдете на вебсайті ПСК в секції Вызвы і ґранты. (Портал PSK – А. Кузмякова)