Центер языків і култур народностных меншын, Інштітут русиньского языка і кутлуры орґанізує од днесь в просторах Пряшівской універзіты в Пряшові двойдньову меджінародну научну конференцію з назвов 20 років высокошколской русіністикы на Словакії. Меджінародну конференції святочні одкрыла о 9 годины директорка інштітуту русиньского языка і културы доц. Анна Плішкова. Конференція мать штирї секції. Перша є на тему – Актуалны вопросы сучасного русиньского літературного языка, Друга – Карпатьскы Русины в історічных, общественно-політичных і кутлтурных контекстах, третя на тему – Язык, школство, література і масмедії в розвою народной ідентичности Русинів а четверта, котра ся одбуде в пятницю мать тему – Русиньскый язык і русиньска література в баданях докторандів Пряшіской універзіты. В рамках меджінародной конференції ся завтра одбуде і отворіня Бібліотекы карпаторусіністикы, частьов котрой буде і выстава публікацій робітників Інштитуту русиньского языка і кутлуры Пряшівской універзіты.
(Кімак)