З доводу розшырїня захворіня COVID- 19 у єдного зо заместнанцїв кліентскго центра буде Містьскый уряд в Пряшові днесь, в пятніцю 16.10 про верейность запертый. TASR о тім інформовав говорця міста Владїмір Томек. Дотулять ся то вшыткых робочіх місц уряду враховано кліентского центра, матрічного уряду і головной покладніцї. ,,Про обчанів буде к діспозіції лем переносна схранка на перебераня подань, котра буде перед вступом до будовы радніцї на Главній уліцї,“ повів Томек з тым,же ку такому кроку приступили в змыслї крізового плану міста. ,,Вшыткы заместнанцї кліенсткого центра, котры пришли з накаженов особов до контакту, мають наряджену домашню ізолацію, аж покы не будеме знати резултаты їх тестів,“ повів Томек. В припадї, же тесты будуть неґатівны, од понедїлька (19.10.) буде містьскый уряд зась отвореный про верейность, але лем в обмедженім режімі.

(TASR, Шутіова)