Русиньске село Вальківці, Свидницького окресу ся находить 10 кілометрів од Ґіралтовец. Село было засноване в року 1325 а іщі до днешніх часів там вшыткы люде бісідують по русиньскы. Наперек тому, же скоро вшыткы нашы маленькы села як быто вымерають, село Валківці тота путь нечекать. І кедь в селі роботы ніт, і люде мусять доходити далеко до навколішніх міст, молодых людей в нім покы є достатньо. І прото інвестичный план роботы села на рік 2019 є якраз приспособеный якраз їм. Про них уж вецей про наше радіо Русин.фм повів староста села Вальківці Ян Хырзан: „нашыма пріорітами є выбудовати дітьске гріско, котре селу іщі хыбать. Мало бы то быти в близькості сельского уряду, де уж маме мултіфункчне гріско і парк. Праві там хочеме выбудовати таку оддыхову зону, котра бы служыла в часі оддыху молодежі і родинам з дітьми. Дальшым нашым великым проєктом є і планувана реконштрукція внутрішніх просторів будинку културы в сумі 130.000 евр ці выбудованя оптіцкой сіті в селі, котров бы сьме хотіли забезпечіли ліпшый інтернетовый і телевізный сіґнал.“ (ПКФ)