По тім, як резорт здравотництва в суботу розшырив округ людей, котры ся можуть реґістровати в чекарні на очкованя проти захворіню COVID-19, Пряшівскый самосправный край зазначів векше чісло людей, котры мають інтерес о очкованя у великокапацітнім центрі в Пряшові. По новому ся можуть до чекарні приголосити уж і люди од 45 років. Як про TASR увела говоркыня краю Даша Єленьова, в суботу мали на неділю приголошеных скоро 550 людей, но по розшыріню віково округу ся в пообідніх годинах чісло звекшыло на скоро 950. (TASR, Pkf)