Любовнянскый шпыталь мать цертіфікат протикорупчной політікы як першый на Словакії в рамках здравотницкых заряджінь. Директор цертіфікачного орґану Церіцом Славомір Юрачек одовздав у четверь в просторах шпыталю в Старій Любовни цертіфікат сістему манажерства проти корупції ёго директорови Петрови Бізовскому. ,,Шпыталь ся намагать завести тот сістем доброволнї, взышло то з їх пересвідчіня і потребы. Не было то резултатом жадных тлаків і леґіслатівных опатрінь,“ увів Юрачек. Шпыталь ся подля нёго занимать якостнов і протикорупчнов актівітов уж давно. Іде о довгодобый процес, затоже робітників было треба даякым способом вышколити і приготовити. Шпыталь мусів наставити ясны правила, што ся тыкать сістему боя проти корупції, а мусив їх завести до праксі.

(TASR, Шутіова)