Промысловый парк Заборьске при Пряшові буде занедовго цалком обсадженый. Місто Пряшів продало послідній вольный фундуш, на котрім єден з  інвесторів планує розшырити выробу телекомунікачных і оптічных каблів. В новій галі, котра ся там выбудує, найдуть роботу десяткы людей. Пресаґентуру TASR о тім інформовав говорця міста Владімір Томек. Ціна фундуша, за котру го місто продало є 718.445 евр з ДПГ і мать  20.527 квадратных метрів. Промысловый парк Заборьске при Пряшові отворили в 2011-ім році. Актуалні там є сім сполочностей, причім дві з них мають  теперь свої галы в приправній фазі выставбы. Робить там коло 1300 людей. (TASR, Pkf)