При оправлёваню далниці Д1 при Пряшові умер робітник Народной далничной компанії (NDS). Пресову аґентуру TASR о тім інформувала говоркыня NDS Міхаела Міхалова. За інформаціями Народной далничной компанії трьох робітників, котры на трасі Д1 меджі Попрадом і Пряшовом реалізували оправу, засягнув сіґналізачный возик, до котрого на місці заставліня наразило особне авто. „Траґічну подію уж досліджує поліція. Оставшым членам родины умершого высловують упрімну жалость. Народна далнична компанія вызывать вшыткых моторістів на концетруваня при шоферуваню авта і решпектуваню транспортного значіня.