Найстрашнішый і найсмутнішый вікенд пережыли обывателі нашого села Пыхні в окресі Снина, котрых через пятніцю, суботу і неділю застигли великы заливы аж три раз. Привал воды в пятніцю пополідне наробив величезны шкоды, лем на главній дразі ся тоты одгадують  на коло 500 тісяч евр, повів староста Пыхонь Юліюс Баник. Подля його слов, є зничена драга, ходникы і каналы, поваляны суть плоты і будинкы, заляты пивніці вшыткых домів. Таку сітуацію послідній раз мали в році 1998, але втоды брало стріхы. Поміч при наслідках залив приобіцяв председа Народной рады Словацькой републікы Боріс Коллар і міністер внутра Роман Мікулец, котры особні навщівили Пыхні в суботу. Селу дали і фінанчный дар, котрый мать помочі найвеце постигнутым людям без поіщіня. Поміч приобіцяв і Пряшівскый самосправный край. Вода з Пыхонькы затопила і родинны домы з парцелами в сниньскій містьскій части Брамгора. Подля пріматоркы Снины Данєлы Ґаландовой шкоды затля іщі не знають фінанчні вычіслити. ТАSR (А. Кузмякова)