22-го юна прияв председа Народной рады Словацькой републікы Борис Коллар в просторах парламенту представителів Кошыцькой ґрекокатолицькой єпархії – отця Войтєха Богача, сінкела про мадярьскых віруючіх, отця Петра Чінталу, пароха в Клокочові і Тібора Табака, манажера проєктів і подій Земпліньского музея. Темов было зінтензівніня взаємной співпраці і підпора реґіоналных проєктів, меджі іншым і проєкт будованя Путницького центру в Клокочові. Борис Коллар приобіцяв підпору тых проєктів і єдночасно прияв позваня владыкы Кіріла Василя на тогорічный одпуст в Клокочові в неділю 15-го авґуста. Єднако выразив пересвідчіня, же така стріча не была остатньов.

(Медвідь, TSKE)