Влада Словацькой републікы зачала вчеравы яздове засіданя у сниньскім каштелю, днесь продовжує в Левочі. Цілковы дотації, в рамках схваленого Акчного плану розвитку Сниньского окресу до року 2023, бы мали творити суму понад два міліоны евр. Найвеце фінанцій піде на накуп здравотных інштрументів про сниньскый шпыталь, реконштрукцію фотбалового клубу,  збудованя складу біомасы на затепліня Улічской основной іматерьской школы, сельского уряду, здравотного центра, апатыкы і гасічской збройніці. Влада схвалила фінанції і на реконштрукцію драг русиньскых сел Чукалівці, Ялова, Пыхні, Руська Волова, Грабова Розтока, Новоселіця, Стащіньска Розтока і Осадне. Фінанчній підпорі на крої ся може тішыти Фолклорна ґрупа Старинчанка, село Убля на оправу Дому смутку, Стащін на оправу школьской їдалні, Руськый Потік на управу потока. Головным цільом Акчного плану є зменшыти безробітность в окресі Снина і до 2023-го року вытворити 582 робочіхмісць. (TASR – А. Кузмякова)