Воронівскы посланцї на своїм четверёвім засїданю схвалили дотації з розрахунку міста. Іде о 12 000 евр. Самосправа буде сполуфінанцoвати веце проєктів орґанізацій третёго сектора і церквей. ,,Місто уж дакілько років підпорує діяня церькви і беспрофітовых орґанізації, затоже мають свою незаступітельну задачу про нашых обывателїв. Снажыме ся ім помочі, головно кедь реалізують інтересны проєкты, або реалізують інвестіції до маєтку церьквей,” увів про TASR пріматор Ян Раґан. ,,З той сумы можуть быти додаваны малинькы дотації до вышкы 300 евр на малы проєкты, “ підкреслив з тым, же тоты векшы схвалює заступітельство. Найвысша дотація 5000 евр піде на реконштрукцію інтерєру Католицького културного дому про фарность Север. На выготовлїня деревяного мобіліару в церькві здобуде Православна церьков вклад у вышцї 3000 евр. Місто підпорить і воронівскых ґімназістів, котры ся рихтують на меджінародне фінале змаганя в проґрамованю і ставбі автономных роботів до Чіны.

(TASR, Шутіова)