В рамках  Вызвы про реґіон пряшівскы крайскы посланці на своїм посліднім засіданї розділили вецей як 2,56  міліона евр в трьох проґрамах. Першый проґрам є заміряный на зліпшіня інфраштруктуры туристичного руху і модернізацію културных памяток, памяток UNESCO і тыж підпору путницького турізму. Другый проґрам є призначеный на підпору одобреных проєктів з европскых штруктуралных і інвестичных фондів. Третій проґрам є модернізація шпортовых площадок в краї і їх выбавліня гнутельным маєтком. На споминаны проґрамы ПСК выділило зо свого бютжету цалково 4,4 міліонів евр. Найвецей фінанцій у вышкі 2,3 міліона евр приділило на підпору інфраштруктуры туристичного руху і обнову културных памяток. На дофінанцуваня уж  одобреных проєктів было призначеных 300.000 евр і на реконштрукцію шпортовых площадок вецей як 1,8 міліона евр. Першу часть посланці розділили в першім колі. В другім колі ПСК достало 62 жадості, котры жадали од самосправного края коло 4,5 міліона евр, але інвестична ціна вшыткых проєктів є вецей як 14 міліонів евр. Найвекшый інтерес быв о третій проґрам, то значіть будованя шпортовых площадок.  (TASR, Pkf)