В неділю 8-го октобра в Гостовіцях ґрекокатолицькы віруючі праздновали одпуст з нагоды свята Покровы Пресвятой Богородіці повязаный із посвячіньом обновленого екстерьєру храму. Храм посвятив владыка Петро Руснак, апостольскый адміністратор Пряшівской архієпархії. По торжественній літурґії были нагороджены двоми парохіяны медайлами – Андрій Чорнаніч за довгорічну жертвенну службу парохії, і Зузана Вілацька за довгорічну службу канторкы. Адміністратор парохії отець Мартін Дудок подяковав владыкови на кінцю торжества і подаровав му ікону Клокочівской Богородіці, котрой праздник так само святковав ся в тот день. Про віруючіх в Гостовіцях то была можливость майже по десятьох роках мати меджі собов свого владыку.

(Медвідь, ISPA)