Шпиталь Попрад евідує 46 робітників, котры мають новый коронавірус. Про пресову аґентуру TASR то потвердила говоркыня шпиталю Сілвія Ґалайда з тым, же єдночасно є  госпіталізуваных 12 пацєнтів зо захворіньом на COVID-19. Попрадскый шпиталь уж переднедавном выбудовав шпеціалне одділіня про пацєнтів зо захворіньом на COVID-19, котре ся находить в самім ґеріатріцькім будинку. В шпиталю подля ньой діє абсолутный заказ навштев. Позітівны робітници або робітници в карантені суть вычленены зо служеб. (TASR, Pkf)