Пятый річник події Обявте Полонины понукне навщівником 24 різнородых зажытків в 12 селах. Участници фестівалу собі можуть вытворити властный проґрам, в понукі котрого суть і актівіты в природі вєдно прогульок пралісом, їзды на біціґлі, меркованям гвізд і пробуваням містьтных шпеціаліт. Пресаґентуру TASR о тім інформувала за орґанізаторів події Катаріна Схнеідерова. Зажытковый фестівал одбуде ся од пятниці 9-го авґуста до неділі 11-го авґуста. Проґрам загорнює і стрічу з містьтным жытельством, котры будуть презентовати традичны ремесла і локалну културу. Фестівал понукать і бесплатный проґрам про дітей, книжну бісіду, жажыткове варіня, танечне змаганя і русиньску танцьовальну забаву під голым небом. Подію підтримують Словакія Травел, Уряд Пряшівского самосправного края і Областна орґанізація турістичного руху Вышній Земплин. (TASR, Pkf)