Домінантов села Плавеч в Любовняньскім окресі, котра собі тот рік припоминать 750-те выроча першой писомной згадкы, суть руїны граду. Торзо історічной ставбы з кінця 13-го столітя ся уж пару років снажать сохранити і завдякы проєкту підпоры безробітных. В Плавчі в сучасности жыє вецей як 1850 обывателів і село патрить меджі найвекшы в окресі на севері Спіша. Новый староста Петер Шлосар мать вецей інвестичных планів, як наприклад зберный двір ці комунітне центрум. Єднов з навекшых інвестицій, котры там днесь реалізують, є реконштрукція містьного Будинку културы. Реконштрукціов тыж проходить і пожарна станіця і село будує пішник к граду про турістів. Цільом самосправы є привабити до Плавча і дальшых людей, а то выбудованям  інфраштруктуры  к землям про родинны домы, приправену мать  і землю на выставбу найомных квартель про приватного інвестора.  (TASR, Pkf)