Пацєнты зо склерозов мултіплех і їх покровителі собі довєдна по четвертый раз припомянуть світовый день даного охворіня і Словацькый народный день склерозы мултіплех. Як інформувала Катаріна Ґудякова з орґанізачного тіму, освітова біціклёва акція Од Татер к Дунаю на біціклі і наперек склерозі мултіплех одштартувала першу етапу зо Штырбского Плеса днесь о 9. годині. Од днесь до суботы 26.мая перейдуть на біціклёх выше 400 кілометрів, навщівлять десяткы міст і сел, абы шырили віру і надій про днешніх і будучіх пацєнтів, же склероза мултіплех є штоправда невылічітельным охворіням, але при скорім і добрім лічіню ся з ньов дасть прожыти повноціный жывот. До тогорічного річника ся приголосило 20 пацєнтів і 330 їх покровителів.
(TASR)