В неділю 17-го децембра у Ґрекокатолицькій парохії Мільпош завершыли ся святкованя 20-ой річніці основаня парохії. Торжественну літурґію одслужыв владыка Петро Руснак, апостольскый адміністратор Пряшівской архієпархії і братіславскый єпарха. Попри літурґії посвятив і новы лавкы. Вєдно з ним служыли і Михал Зорван старшый, котрый стояв при выникнутю парохії, а Ріхард Гарвілко, якый в Мільпоші быв духовным 12 років, і закінчів будованя фары. По літурґії владыка вєдно із містным священиком Йосифом Шпесом нагородив тых, котры помагали при реконштруцкії інтерьєру храму, і тых, котры служать прятаньом, співом або роботов з дітми і молодежов.

(Медвідь, ISPA)