Ватікан в середу публіковав офіціалный проґрам навщівы Папы римского Франціска на Словакії, котра буде проходити в днях 12-го аж 15-го септембра. Подля проґраму Вселеньскый архієрей 14-го септембра, коли святкує ся праздник Воздвиженія Честного Креста, одслужыть дополідне Літурґію святого Йоана Златоустого в Пряшові, де ся стрітить з ґрекокатолицькыма віруючіма. Літурґія одбуде ся перед Містьсков шпортовов салов, де проходила і стріча ґрекокатоликів з Йоаном Павлом ІІ. в році 1995. Папа буде мати почас літурґії і проповідь. Пополідне Франціск одыйте до Кошыць, де навщівить комуніту Ромів на сідлиску Лунік IX.

(Медвідь)