Міністерство жывотного оточіня (MŽP)  СР мусить забезпечіти докладну охрану стратеґічного водного діла Старина, як хоче забезпечіти достаточне засобованя выходной Словакії питнов водов. Попереджує на то охранарьска орґанізація Aevis, подля котрой не є поводя достаточно охраньоване. Як про пресаґентуру TASR повів одбор комунікації MŽP, днесь приправують леґіслатівны зміны, котры огранічать вступ і забезпечать ліпше моніторованя теріторії Старины. Тыж вєдно з одборниками гледають рішіня, як выбудовати дальшы водареньскы джерела на выході Словакії. Подля орґанізації Aevis охрана поводя Старины і цілково Народного парку Полонины є довгочасово недостаточна і несістемова. Як конкретізував діректор споминаной орґанізації Растіслав Мічанік, же ефектівна охрана даного стратеґічного джерела пітной воды про выходну Словакію ся дасть досягнути лем охранов цілого вышнього поводя рікы Ціроха, котра Старину напаять. (TASR, Pkf)