Робітници, котры роблять в попрадскім шпиталю будуть мати од понеділька 17-го януаря містьскый громадный транспорт   (MHD) задармо. На пресконференції то вчера о тім інформував пріматор Попраду Антон Данко і діректорка Словеньской автобусовой доправы (SAD) Попрад Маріанна Крайчова Ґочова з тым, же безплатна MHD буде про робітників найвекшого шпиталю в реґіоні платити аж до  одкликаня. Як увів Данко на марґо даного кроку, же іде о істу форму подякованя ся здравотникам, котре собі, на його думку, заслужать. (TASR, Pkf)