Русины в Пряшові можуть записовати свої діти до першой русиньской матерьской школы в Пряшові. Школка ся находить в Пряшові, в части Солівар. Інформує о тім Обчаньске здружіня Кoлысочка – Kolíska, котра од 1-го септембра того року отворить свою матерьску школу Колысочка – з навчалным языком русиньскым. Здружіня на фейсбуку пише, же затля є наголошено лем пару дітей а може їх быти 24, но вірять, же до школкы ся запише достаточна кількость дітей, жебы єй могли отворити 1. септембра того року. (А. Кузмякова)