Юркова Воля буде мати од 1-го мая старостку. Здена Федеша, котрый село рядив 4 рокы, вычерять Івета Шкрабова. В ряднім новембровім терміні комуналны вольбы в Юрковій Волі не проходили. Доповнючі были выголошены на 13-го апріля. На старостку кандідовала споминана Івета Шкрабова, котра была і зволена, на депутатів кандідовали так само три жены. Єднаку кількость, трьох депутатів, было треба і зволити. Депутатками в селі стали Алена Дулакова, Ева Котулічова і Яна Котулічова. Село так поведуть штири жены.

(Медвідь, Podduklianske Novinky)