1-го і 2-го юла одбыло ся на Єпархіалнім уряді в Братіславі 36-те пленарне засіданя Рады єрархів Ґрекокатолицькой митрополітной церькви на Словакії, котре скликав пряшівскый архієпіскоп і митрополіта кір Йона Максим. Рада єрархів засідала в Братіславі першый раз. Участь  брали і домашній єпарха Петро Руснак, помічный братіславскый єпіскоп Мілан Лах і архієпіскоп Кіріл Василь, кошыцькый єпарха. Владыків на початку засіданя Рады єрархів навщівив і апостольскый нунцій в Словацькій републіці Нікола Джірасолі. Єпіскопи занимали ся оцінков навщівы Ad limina apostolorum, котра проходила першый тыждень юна. На проґрамі были і актуалны вопросы душпастырьского, літурґічного, катехетічного і економічного характеру.

(Медвідь, Ґабор)