В днях 19-го аж 20-го апріля в Ґрекокатолицькім молодежнім центрі Барка в Юсковій Воли одбыла ся Митрополітна сінодална стріча, на котрій брали участь вшыткы єрархы Ґрекокатолицькой митрополітной церькви sui iuris на Словакії вєдно із священиками, монашеством і лаіками. Почас тых двох днів задумовали ся над документом Сінодална церьков на місії із першого засіданя 16-го рядного згромаджіня Сіноду єпіскопів у Римі, котре одбыло ся в октобрі 2023-го року в рамках проходячого сіноду За сінодалну Церьков.

(Медвідь, ISPA)