В середу 25-го новембра 2020-го року  о 16.00 год. одбуде ся в рамках ціклу ,,Дворны діалоґы‟ святочна презентація двоязычной словацько-русиньской моноґрафії під назвов Dejiny Rusínov na Spiši / Історія Русинів на Спішу, котру выдав Музей Спіша в Спішскій Новій Всі. Презентація одбуде ся з причіны протиепідеміолоґічных наряджінь в онлайн просторі, і так ся на ню холем віртуално буде мож дістати з цілого світа. Книжка має штири капітолы. Три суть присвячены історії спішскых Русинів у окремых часовых періодах од середньовіку аж по сучасность. Четверта капітола занимать ся Русинами з етноґрафічного погляду. Інформовав о тім спішскый музей. Презентація книжкы ся одбуде в часі, коли в просторах спішского музея одбывать ся і выставка презентуюча русиньску меншыну. Частьов выставкы є і філм о Русинах, котрый музей приготовив вєдно з веце супроводныма подіями. Послідня подія в рамках той выставкы буде День Русинів 12-го юна 2021-го року.(ЛЕМ.фм, Пкф)