Пряшівскый край зачінать з обновов штирьох путницькых місць. Планованый розрахунок проєкту є коло 4,3 міліоны евр, з того на словацькім боці ся проінвестує веце як 2,1 міліона евр. На путницькых місцях в Літмановій, Лютині, Ґаболтові і Левочі прибуде нова інфраштруктура. Стане ся так в рамках меджінародного проєкту Святомаріаньска путь – Світло з выходу, котрого лідром є Пряшівскый самосправный край. До проєкту є залучено далшых 12 партнерів із Словакії і Польщі. Його амбіціов є реконштрукція вызначных путницькых місць споєных з маріаньскым култом на обидвох боках граніці і вытворіня новой путницькой трасы.
(Анна Кузмякова)