В рамках 2-го Репрезентачного балу Русинів, котрый быв 22-го фебруара т. р. в Кошыцях, Округлый стіл Русинів Словеньска на чолі з його председом Петром Штефаняком і тайомником Міланом Піліпом, першыраз в історії Русинів передали  Орден Адолфа Добряньского вызначным русиньскым діятелям. На основі рішіня русиньской платформы, першыма носителями ордену стали Василь Ябур, головный кодіфікатор русиньского языка на Словакії, русиньска новинарька, перекладателька і діятелька Анна Кузмякова і Богдан Ґамбаль, русиньскый актівіста з Польщі, заснователь першого русиньского інтернетового радія lem.fm і співобновитель Руськой бурсы, найстаршой русиньской орґанізації в Польщі. (А. Кузмякова)