В неділю 17-го новембра одкрыв архієпіскоп Кіріл Василь, кошыцькый ґрекокатолицькый єпарха, новый Комунітно-пасторачный центер на кошыцькім сідлиску Подградова. В його просторах находить ся і Храм Воскресенія Хріста, котрый владыка торжественно посвятив. У 2022-ім році здобыла парохія Кошыці – Север до довгодобой аренды од міста бывшу станіцю передаваня тепла, котру за нецілы два рокы зреконоштруовала і зрядила в ній Комунітно-пасторачный центер. 8-го новембра того року архієпіскоп Кіріл зрядив декретом в просторах центра Храм Воскресенія Хріста і встановив го за папрохіалный храм парохії Кошыці – Север, котру окрім Подградовой творить веце сел на север од Кошыць. Реґуларно богослужіня одбывають ся окрім Подградовой і в Будимірі а Дружстевній при Горнаді.

(Медвідь, TSKE)