Тісячі людей почас вікенду 3-го і 4-го авґуста зышли ся на головнім одпусті на горі Звір над селом Літманова в окресі Стара Любовня. Проґрам головного одпусту в Літмановій почав уж в суботу дополідне. В неділю проґрам почав евхарістічным благословліньом, по котрім наслідовав Паракліс, недільня утреня, Акафіст до Пресвятой Богорідіці і ружанець з актівнов участьов візіонарьок. Завершыв ся торжественнов архієрейсков Божесков літурґійов, котру служыв Высокопреосвященый владыка Йона Максим, пряшівскый архієпіскоп і митрополіта, за участи емерітного архієпіскопа Йоана Бабяка і множества священиків.

(Медвідь, ISPA)