На верьшку Скоры, котрый находить ся коло русиньского села Гостовиці, Сниньского окресу, де почас Першой світовой войны проходили тяжкы битвы, бы міг ку вже існуючій дзвоніці прибыти централный памятник присвяченый воякам з теріторії днешньой Словакії.Як аґентуру TASR інформовала выконна директорка Областной орґанізації турістічного руху Вышній Земплін і Вышній Шаріш Михаела Здражілова, бракують на то фінанції. Місце на верьшку Скоры є подля ньой єднов з мало локаліт на Словакії, де почас Першой світовой войны бойовали вояци з теріторії днешньой Словакії.Якраз зато подля Мартіна Дробняка із Клубу воєньской історії Бескіды выникла ідея збудовати на тім місці памятник воякам, котры походили з теріторії Словакії і бойовали на фронтах Першой світовой войны. В плані мають збудовати мінімално 15 памятників у круговій композіції. Проєкт ареалу є готовый, моментално є Клуб воєньской історії Бескіды в штадію гляданя фінанцій. Подля Дробняка бы єднов з можливостей была співпраца самосправных країв.

(Медвідь, TASR)