Проєкт Святомаріяньска путь познавають в тых днях навщівници меджінародной выставы турістічного руху в Бырні. В інформачнім центрі ся можуть навщівници дізнати інтересности о путницькых місцях на словацько-польскій граніці, як Левоча, Лютина, Літманова і Ґаболтов на нашім боці і пять місць з польского боку. Іде о першу зо серії пятьох меджінародных выстав, де будуть презентованы турістічны атракції з околіці тых місць формов різных матеріалів о природных, културных і історічных інтересностях, памятках UNESCO ці деревяній архітектурі Пряшівского краю.
(А. Кузмякова)