Вігорлатьскый музей в Гуменнім вєдно із далшыма співорґанізаторами од днесь аж до недїлї орґанізують вже другый річник подїй присвяченых юбілею Добряньского. Подїя проходить в рамках Днїв европской културной дїдовизны 2017. Проґрам зачінать літурґіов в Православнім катедралнім соборї св. Кіріла і Методїя в Михалівцях і стрічов коло памятника Адолфа Добряньского. Подобны публічны подїї ся одбудуть і в суботу а недїлю в Меджілабірцях, в селї Рудлов і в селї Чертіжне. В рамках проґраму днешнёй конференції ся участникам приговорять реферуючі як: проф. ТгДр. Ян Шафін, ПгД., декан Православной богословской факулты Пряшівской універзіты в Пряшові, Мґр. Мілан Ясик, парох ґрекокатолицькой парохії в Ольцї і член Общества св. Йоана Крестителя, Др. Маріяна Лявинець із Мадярьска, членка історічной комісії Світового конресу Русинів і другы.
(Зденка Цітрякова)