Турістім зачала служыти нова 35-метрова розглядня над селом Клукнава в Ґелніцкім окресї. Єй архітектура вывжывать модерны технолоґії і обновительны жрідла енерґії, навщівници сі так коло нєй можуть добити електробіціґель або мобілный апарат. Выглядку з назвов Green Poіnt в локалітї Кременець святочно отворили у четверь. Шпеціфіком новой атракції є вывжытя зеленой енерґії не лем на ход, але і про потребы навщівників. ,,Автономна выглядка в Клукнаві є пропонована так, жебы принесла выгляд з того місця, але хотїли сьме тоту ставбу доповнити і о штось, што бы чоловік може не чекав в такій позіції в лісї, і пропоновали сьме єй форму властній выробі електрічной енерґії,“ увів про TASR архітект Іґор Цзіел. Староста Клукнавы Радован Цімерман припомянув, же ставба ся находить на граніцї Спіша і Шаріша, як і Кошіцького а Пряшівского края, а дотварять далшы домінанты села, як суть бароковый каштель, деревяный крытый міст ці путницькый храм св. Анны. Зо села ся дать выглядка досягнути пішо за асі 1,5 годины.

(TASR, Шутіова)