В понедільок 9-го децембра Літературный фонд (Literárny fond) передавав нагороды за ціложывотне діло і вырочны нагороды в области радія, театру, телевізной творчости і забавного уменя. Особности театралной, дабінґовой, радіовой, телевізной і театролоґічной творчости собі оцініня перевзяли в Палаці Зічія в Братіславі. Меджі нагородженыма суть і директор Театру Александра Духновіча (ТАД) Маріян Марко, а член драматічного колектіву ТАД Євґеній Либезнюк. Марко дістав нагороду за ціложывотне діло. Либезнюк собі перевязв вырочну нагороду за роль Ромула Великого в інсценації з єднаков назвов, як і за роль Поцца в пєсі Чеканя на Ґодота. В януарі того року презідентка Словацькой републікы Зузана Чапутова уділила Маріянови Маркови Прибинів крест ІІ. класы за вынятковы заслугы о културный розвиток Словацькой републікы.

(Медвідь, TASR)