Приближно 500 чіпкованых вытворів можуть обдивовати навщівницї Словацького технічного музея – Музея Солівар в Пряшові. У четверь там отворили Меджінародный фестівал палїчкованой чіпкы, почас котрого мож відїти і саме чіпкованя. ,,Орґанізуєме го зато, жебы сьме загранічным участникам передвели то, што ся робить у нас, што ся тыкать класічной чіпкы, нашой сольнобаньской або модерной чіпкы, котру вытваряють членкы Сольнобаньского чіпкарьского цеху. Приходять ту участницї не лем з рїзных країн, але з рїзных реґіонів Словакії. Словакія є богата на чіпку і єй різнородость. Є інтересне ся на то попозерати а відїти розлукы,“ увела про TASR орґанізаторка подїї і председнічка Сольнобаньского чіпкарьского цеху Яна Фрайкорова. На фестівалї, котрый буде проходити до суботы (14.8.), бере участь цїлково 24 чіпкарок і чіпкарїв зо Словакії, Польщі, Чехії і Сербії.

(TASR, Шутіова)