Навщівници Свідника собі можуть в місті зробити памятну фотоґрафію у деревянім рамі. З нагоды 665-ой річніці першого писомного документу о місті радніця дала наіншталовати штири рамы ку різным памяткам. Як повіла про аґентуру TASR пріматорка Марцела Іванчова, іншпіровала ся в загранічу. Рамы зробила пріватна фірма і фаребно їх обробили членове обчаньского здружіня Свідницька палета. Находять ся в центрі міста коло памятнька ґенерала Свободы, на пішій зоні, при памятнику Совітьской армії і в сканзені. В найблизшых днях буде ся іншталовати і надрозмірный надпис міста Свідник, котрый буде мати тридімензіоналну букву на одшмаріня пластіковых верьшків од фляшок, доповнила говоркыня міста Крістіна Тхірова.

(Медвідь, TASR)