Місто Міхалівці выбудують сполочне центрум служеб, котре надвяже на дотеперішні актівіты сполочного сельского уряду в області перенесеного выкону штатной справы. Його взник одобрили містьскы посланці на посліднім вынятковім засіданю містьского заступітельства. Як про пресаґентуру TASR  увів пріматор міста Міхалівці Мірослав Дуфінец, проєкт буде фінцованый з плану обновы і одолности, причім здобыты фінанчны средства будуть у вышці нецілых 686.000 евр. Як дале пріматор підчеркнув, же цільом споминаного центра буде даваня служеб з єдного місця  і то ефектівно і господарно, причім  підпорить аплікацію інтеліґентных рішень в реґіоні. (TASR, Pkf)