Бардейов пожадав о поміч на выбудованя моста в містьскій части Довга Лука, пропозіційов ся буде заподівати влада. Резорт фінанцій предложыв на владу матеріал, подля котрого бы на выбудованя моста мала быти приділена дотація 300 тісяч евр. Матеріал затля чекать нa доповніня до проґраму кабінету. Міст в части Довга Лука над ріков Камінець пошкодили од 2001-го року уж три заливы. Подля одборного ставебнотехнічного посуджіня міст ся не дасть оправити ани реконштруовати, мусить ся збуряти і выбудовати новый.
(Петро Кімак-Фейко)